O Conservatorio de Danza de A Coruña, anuncia as probas de acceso paro o curso 2023-2024.
Se queres cursar estudos de danza, fai a preinscrición para poder facer unha proba.
Infórmate máis nos seguintes enlaces:
Preinscrición
Proba de acceso ao grao elemental
🎶🎶🎶
O alumnado, profesorado e familias do CEIP San Francisco Javier,
Conscientes de que habitamos nun mundo con demasiadas experiencias de guerra e de violencia, buscamos a empatía entre todos e o respecto aos demais, independentemente das súas particulariedades e diferenzas.
Sabendo que na actualidade a violencia segue a estar presente día a día, e que se están a vivir guerras que xamais quixéramos que ocorresen;
NO DÍA ESCOLAR DA PAZ E A NON VIOLENCIA, manifestámonos e pronunciamos:
Somos os nenos e nenas que integramos a sociedade do século XXI e queremos un planeta en harmonía entre as xentes e con paz os pobos.
Queremos que as únicas fronteiras sexan as que marquen os antigos reinos nos que se xestaron as linguas e as culturas.
Queremos que os recursos da terra permitan a cada pobo o seu propio desenvolvemento e que, ese desenvolvemento e as culturas sexan os fundamentos da vida das nacións en paz.
Queremos que todas as persoas, tanto mulleres como homes, maduremos en tolerancia e nos miremos con ollos de respecto total.
Queremos ser valoradas e valorados á marxe do noso sexo ou raza.
Queremos eliminar as envexas e as desconfianzas, e que nos patios das nosas escolas non se coñezan pelexas nin ameazas.
Queremos que todos os fogares acollan a adultos e pequenos con bondade, tenrura e un corazón limpo e forte.
Queremos eliminar, deixar sen significado, aquelas palabras que non queremos usar.
Queremos todo isto, e todo isto faremos. Farémolo porque podemos. Collámonos da man e camiñemos pola paz!.
🎵🎵🎵
Dáseche ben a Música?. Queres aprender máis?.
Entón debes saber que...
Un Conservatorio é un centro educativo no que se imparten clases relacionadas coas artes.
No Conservatorio Profesional de Música de A Coruña impártense clases de Música tanto instrumentais como vocais; isto é, aprendes a tocar instrumentos e a cantar.
Son moitos e diferentes os instrumentos que ofrece para aprender: moitos instrumentos de corda, de vento e de percusión.
Dentro de pouco van ter lugar unhas xornadas de portas abertas no Conservatorio da nosa cidade. Se te apaixona a Música, queres saber como poder aprender e practicar máis, aquí tes os días nos que o podes visitar.
Anímaste?.
🎶🎶🎶
