Hai alumnas e alumnos que non só repasan semanalmente, senón que o fan con ganas, con conciencia do traballo ben feito e gañando seguridade na aprendizaxe.
Gustazo de que o compartan cos demais e de que sirva de exemplo de estudo e de idea de reforzo.
Ás veces as historias que lemos, que vemos ou que escoitamos teñen un final incerto porque o autor ou autora decide deixar á imaxinación do público, o final da historia.
A canción O pato conta unha historia que pode ter o desenlace que nós, os oíntes, desexamos, xa que remata sen sabermos que pasou finalmente co protagonista.
As alumnas e os alumnos de 3ºA e de 3ºB, tras traballar a canción cantada e bailada, decidiron cadanseu final da historia, predominando os finais felices para o peculiar parrulo.
Debuxaron o desenlace e explicárono oralmente a partir de cada debuxo.
