Se cantas o día do concerto, ensaia sobre estes audios a túa canción.
Se sabes a letra, practica con algo que faga de micrófono e céntrate en afinar e en interpretar o significado desa letra.
Se sodes un grupo, fixádevos en coordinar as voces como se fosen unha soa.
Aquí tedes os audios instrumentais das actuacións para os que cantades ou tocades.
Se vos sabedes a letra, practicade con algo que faga de micrófono e centrádevos en afinar e en interpretar o significado da letra.
Os grupos de sexto están a traballar un dos temas máis exitosos do alcumado "rei do pop".
Tras a aprendizaxe da técnica de cada un dos pasos e das diferentes secuencias destes, agrúpanse segundo a súa función no baile para executalo o máis correcta e coordinadamente posible.
A coreografía será o resultado deste traballo de unión colectiva, sentimento de pertenza a un grupo e desfrute e logro da consecución dun obxectivo común. Ademais, son conscientes do significado e motivo deste tema, poñendo de relevancia a formación en valores que continuamente tratamos nesta área.
Ademais da actuación de baile en gran grupo, haberá unha actuación dunha pequena agrupación.
Velaquí un dos ensaios do dúo de piano e violín cuxas intérpretes son dúas alumnas ao piano e un alumno ao violín dos grupos A e B respectivamente, que nos deleitarán cun dos célebres temas de Ludwig van Beethoven.
Seguimos, que case o temos!.
O alumnado de 5ºA preparou para hoxe un pequeno concerto para os seus propios compañeiros e compañeiras.
De maneira voluntaria houbo participantes que escolleron tocar instrumentos de aula, houbo quen trouxo os seus propios instrumentos, e outros que preferiron bailar.
Con moi boa intención xuntáronse para ensaiar e facelo o mellor posible, tendo en conta que a maioría non están afeitos a actuar fronte ao público.
O primeiro paso foi saír ao escenario e o segundo desenvolverse nunha actuación, ben individual ou ben en pequeno grupo, pero sen axuda.
Pouco a pouco van superándose e demostrándose que son quen de mellorar.
Agradecemos que a súa titora Marta se interesara por esta faceta do seu alumnado ao querer asistir a velos neste pequeno concerto que ofreceron.
A continuación, as imaxes do momento.
-
No día de hoxe tivo lugar o concerto do alumnado do grupo 5ºB.
Estes últimos días estiveron agardando por el e a verdade é que saíu xenial, a pesares das pequenas lesións dalgunhas instrumentistas e dalgún pequeno cambio de última hora.
Todas e todos estiveron fantásticos, sobre todo pola xenerosidade de querer compartir cos compañeiros e compañeiras estes momentos de desfrute que implican esforzo na súa preparación.
Hai que agradecerlles o interese e as ganas que puxeron desde o primeiro momento e o respecto e cumprimento das normas nas audicións musicais.
Proba superada!.
Ademais, gustounos contar coa asistencia da súa titora Patricia, que se interesou por escoitar cada unha das actuacións do seu alumnado.
Gracias a todos pola participación e pola colaboración!.
Velaquí os momentos máis relevantes.
Presentadora
