O alumnado de 2º curso executando con instrumentos de aula o ritmo das figuras musicais aprendidas. Hoxe coas claves.
Ao mesmo tempo, comezan a ler a grafía musical convencional.
Comezamos a experimentar co manexo básico dos instrumentos de pequena percusión de altura indeterminada axeitados a esta idade.
Xa saben os nomes e están identificando o son de cada un, ademais de seguir o pulso de músicas de compositores importantes.
O ROCK & ROLL
O rock&roll é un estilo musical que xurdiu nos Estados Unidos de América na década de 1950. Trátase de ritmos marcados e derivados da música folclórica estadounidense. Rapidamente difundiuse por todo o mundo e evolucionou cara unha gran variedade de estilos.
O rock&roll caracterízase polo uso de instrumentos electrófonos, como a guitarra eléctrica e o baixo eléctrico, e polo marcado carácter rítmico que achega a batería.
A BATERÍA
A batería é un conxunto de instrumentos de percusión de altura indeterminada tocados por un só músico: o ou a baterista.
É un instrumento indispensable para varias agrupacións, especialmente para a música pop, o blues, o jazz, o rock ou o heavy metal.
A súa función é marcar o ritmo e os tempos da melodía, aínda que co tempo foi evolucionando cobrando o seu propio protagonismo dentro de moitas bandas de rock, chegando a ser instrumento solista.
A batería está composta por distintos elementos que se tocan con baquetas e pedais. Estes elementos son:
. Bombo: gran tambor de son grave que se golpea cun mazo accionado por un pedal (imaxe).
. Toms: dous ou tres tambores de diferentes tamaños situados aos lados do intérprete.
. Caixa ou redobrante: pequeno tambor cunha tira metálica na parte inferior que lle dá un son característico.
. Pratos: dous discos metálicos que se golpean con baquetas e vasoiriñas (imaxe)
. Charles/ hit-hat: dous pratos que se chocan entre si accionados por un pedal.
Batería acústica
Escoita como sona cada un dos elementos:
Baterista solista
Batería electrónica
ACTIVIDADE: Practica completando os elementos da batería.
ACTIVIDADE: Que elemento está sonando?.
Elvis Presley foi un cantante moi destacado e os grupos máis influíntes foron The Beatles, Queen, Led Zeppelin e The Rolling Stones.
Preme na imaxe para coñecer aspectos da biografía de Elvis Presley e escoitar a súa música.
Dáseche ben a Música?. Queres aprender máis?.
Entón debes saber que...
Un Conservatorio é un centro educativo no que se imparten clases relacionadas coas artes.
No Conservatorio Profesional de Música de A Coruña impártense clases de Música tanto instrumentais como vocais; isto é, aprendes a tocar instrumentos e a cantar.
Son moitos e diferentes os instrumentos que ofrece para aprender: moitos instrumentos de corda, de vento e de percusión.
Dentro de pouco van ter lugar unhas xornadas de portas abertas no Conservatorio da nosa cidade. Se te apaixona a Música, queres saber como poder aprender e practicar máis, aquí tes os días nos que o podes visitar.
Anímaste?.
🎶🎶🎶
Que instrumento é?.
Xogando por parellas, o alumnado de 1º está aprendendo os diferentes instrumentos musicais.
Existen moitos e, pouco a pouco, irán engadindo novos nomes ao repertorio dos que xa coñecen.
Con cada tarxeta sabida, un punto!.
🎵🎵🎵
A ORQUESTRA. A SECCIÓN DE PERCUSIÓN.
A sección de percusión na orquestra é variable e depende de cada obra.
Algúns dos instrumentos máis frecuentes son: CAIXA, TIMBAIS, TRIÁNGULO, MARIMBA, PRATO, BOMBO, CAMPÁS TUBULARES, GONG.
Subscribirse a:
Publicacións (Atom)
APÚNTATE A TOCAR UN INSTRUMENTO
Entradas máis lidas
Traducir este blog
