UNIDADE 2 6º

O ACORDE

Un acorde, na súa forma máis básica, é un conxunto de notas ordenadas por terceiras que sonan ao memo tempo.

Se o acorde está formado por tres notas chámase tríada. 

A nota máis importante do acorde é a primeira e chámase nota fundamental. Esta fundamental dá o nome ao acorde: un acorde de Re maior constrúese a partir da nota Re como fundamental.

Logo, ao superpoñer unha terceira sobre esta fundamental, obtemos a terceira do acorde. E ao superpoñer unha terceira sobre a terceira, obtemos a quinta. Así, un acorde básico ten fundamental, terceira e quinta.

No caso do acorde de Do temos: Do como fundamental, Mi como terceira (conto do – re – mi) e Sol como quinta (conto do – re – mi – fa – sol).

Acordes maiores e acordes menores

Ambos teñen unha quinta xusta. A diferencia é que o acorde maior contén unha terceira maior, mentres que o acorde menor contén unha terceira menor a partir da fundamental.

Acorde maior: fundamental+terceira maior+ quinta xusta (1 – 3 – 5).

Acorde menor: fundamental, terceira menor e quinta xusta (1 – ♭3 – 5).

O nome que recibe cada nota do acorde e as súas funcións son:

Do = Fundamental. É a nota base do acorde.

Mi = Terceira. Define se o acorde é maior ou menor.

Sol = Quinta. Dá estabilidade e contundencia ao son.

Unha imaxe clara de como se constrúe a harmonía desde a base é:

Un acorde como mínimo ten que estar formado por tres notas superpostas. Pero tamén pode haber acordes de máis notas. Se engadimos unha nota máis, teremos un acorde de sétima, se agregamos añinda outra máis, teremos un acorde de novena.

A sétima engade tensión sonora ao acorde. Sona como máis vivo e pode ser maior ou menor.

A novena engade expansión ao son. Dálle brillo e amplitude, facendo que o son sexa máis envolvente.

Vemos entón que un sinxelo engadido de notas pode cambiar completamente a emoción que transmite un acorde.

CANTAMOS:

LA VIDA ES BELLA - Nicola Piovani

Película Letra Orquestra

LECTURAS RÍTMICAS CON BAQUETAS

Compás binario, ternario e cuaternario

4

5

6

7

VOCES E AGRUPACIÓNS VOCAIS

 O SANCRISTÁN DE COÍMBRA-canción popular galega

O Sancristán de Coímbra
facía de mil diabluras (bis)
mollaba o pan en aceite,
deixaba os santos a escuras (bis)

E bate fado e bate ben,
ti ére-la causa do meu desdén (bis) 

O mar tamén ten amores,
o mar tamén ten mulleres (bis)
Está casado coa area,
dálle bicos cantos quere (bis)

-Retrouso-

Eu quixera ser merliño
e te-lo bico encarnado (bis)
para face-lo meu niño
no teu cabelo dourado (bis)

-Retrouso-

A miña nai xa non me deixa
levar o leite a Coímbra (bis)
porque dicen os rapaces:
que leiteiriña máis linda! (bis)

-Retrouso-

        Pilocha                                             Pel e Pau

  

 A CAROLINA-canción popular galega

A saia da Carolina
ten un lagarto pintado;
cando a Carolina baila,
o lagarto dálle ó rabo.

-Bailaches Carolina?
-Bailei, si señor.
-Dime con quen bailaches.
-Bailei co meu amor (tres veces)
Bailaches Carolina?
Bailei, si señor.

 A Carolina é unha tola
que todo o fai ó revés,
vístese pola cabeza
e díspese polos pés.

-Retrouso-

O señor cura non baila
porque ten unha coroa.
Baile, señor cura, baile,
que Deus todo llo perdoa.

-Retrouso-

No curro da Carolina
non entra carro pechado,
namais entra a Carolina
co seu cocho polo rabo.

-Retrouso- (x3)

 Co teu amor, Carolina,
non volvas a bailar,
porque che levanta a saia
e é moi mala de baixar (bis)

-Retrouso-

Carolina ten un niño
entre as tellas do tellado.
O niño de Carolina
cando chove está mollado.

           Fuxan os ventos                             Uxía Lambona e a banda molona

   

Melodía

A RIANXEIRA-canción popular galega

 A Virxe de Guadalupe
cando vai pola ribeira (bis)
descalciña pola area,
parece unha rianxeira (bis)

Ondiñas veñen,
ondiñas veñen,
ondiñas veñen e van.
Non te embarques rianxeira / non te vaias rianxeira
que te vas a marear.

A Virxe de Guadalupe
quen a fixo moreniña / quen te puxo moreniña (bis)
foi un raíño de sol
que entrou pola ventaniña (bis)

-Retrouso-

 A Virxe de Guadalupe
cando vai para Rianxo / cando veu para Rianxo (bis)
a barquiña que a leva / a barquiña que a trouxo (bis)
éche / era de pau de laranxo (bis)

 -Retrouso-

Historia                                           Pel e Pau

  

Melodía