A volta ao cole trae novas clases con novas aprendizaxes para desenvolver moito máis e mellor as nosas habilidades musicais.
Comezamos!.
Na sesión de hoxe o alumnado de 3ºA e de 3ºC repasou os contidos máis importantes tratados ao longo do curso.
Na parte da linguaxe musical a concentración é fundamental para poder desenvolver o cálculo e a lóxica que dan pé á resolución dos diferentes exercicios.
Ademais, amosan o compañeirismo que se lles inculca colaborando na aprendizaxe do alumnado novo.
A experiencia da xornada de convivencia cunha festa final grazas ao programa Correlingua foi todo un éxito.
Os maiores conseguiron cumplir cos quilómetros ata a meta. Cantando fíxose máis levadeiro o traxecto. Tras a merenda, rematamos co concerto final da festa.
Os pequenos resistiron moi ben a andaina e gozaron cantando e bailando en lingua galega tanto ou máis que os maiores.
Así foi, que puxeron todas as ganas e os propios músicos quedaron encantados co traballo realizado sobre o tema "Miña nai".
Parabéns!.
Así recolleu esta xornada a prensa: La Opinión, La Voz de Galicia.
Nenas e nenos de 2ºA, 2ºB, 3ºC, 4ºA, 6ºA e 6ºC, por fin saiu o videoclip da canción tan cantada estes días.
Velaquí están os compoñentes do grupo, que fan que as súas nais sexan as protagonistas xa que o tema vai adicado a todas elas.
Moi chulo. Desfrutádeo!.
Experimenta melodías e ritmos con instrumentos virtuais online. Es quen de tocar algunha canción coñecida ou de crear un ritmo ou unha melodía propia?.
VOZ (IDEAS PARA A MÁQUINA 6º CURSO)
Por mor da previsión para mañá dun día chuvioso, esta saída levarase a cabo o venres día 10 de maio, agardando que as condicións meteorolóxicas o permitan.
Repasade aquí o preparado na aula.
Coa regueifa "Que viva a nosa lingua" os grupos de 2ºA, 2ºB, 3ºC, 4ºA, 6ºA e 6ºC participaron nun concurso cultural co que optaban ao premio dunha experiencia de convivencia con festa nun lugar da contorna da nosa cidade.
Finalmente conseguiron a experiencia, a cal se levará a cabo o venres 3 de maio na Torre de Hércules e consistirá nunha xuntanza de varios centros nunha xornada que contará cun acto cultural central, unha andaina con itinerario en grupo, diferentes actividades lúdicas e recreativas e como peche dese día, unha festa musical espectacular da man do grupo Mekanika Rolling Band.
Cantaremos e bailaremos con eles e desfrutaremos de cada momento desta xornada, unha gran oportunidade para compartir, socializar e desenvolverse musicalmente máis e mellor e, por suposto, todo en lingua galega!. Non se pode pedir máis.
Estamos moi contentos de ter contribuído coa nosa aportación ao fomento do galego a través do programa Correlingua e tamén agradecidos pola valoración do traballo realizado!.
Desde a área de Música e Danza colaboramos tamén coas actividades propostas polo Equipo de Dinamización da Lingua Galega, pois estamos a prol da nosa lingua en todas as súas versións.
As titoras e titor dos grupos 2ºA, 2ºB, 3ºC, 4ºA, 6ºA e 6ºC quixeron que o seu alumnado participara nesta experiencia de actividade cultural conxunta que contribúe a desenvolvelos competencialmente máis e mellor.
Estes días aprenderon que son as regueifas, coñeceron as súas partes e características principais e traballaron vocalmente a entonación da melodía asimilando recursos básicos de técnica vocal.
A actividade consistiu en crear unha pequena regueifa coa lingua galega como temática para, finalmente, interpretala en coro aplicando as nocións aprendidas.
Pasárono moi ben durante o proceso e, ao mesmo tempo, tomárono moi en serio para conseguir un resultado que lles gustara.
Escoitémola:
Regueifa "Que viva a nosa lingua"
Copla 1: 3ºC e 4ºA; copla 2: 2ºA e 2ºB; copla 3: 6ºA e 6ºC.
Grazas ás titoras e titor por apuntalos para participar nesta actividade grupal entre os diferentes cursos!.
Nun xogo de cultura musical recompilamos unha serie de preguntas sobre o que demos en terceiro ata o momento, para xogar a adiviñar o que sabemos.
Saber o vocabulario propio do nivel e tamén facer un correcto cálculo mental foron os requisitos para poder responder correctamente ás dez preguntas formuladas e optar a conseguir un posto no podio musical.
Houbo premio para o primeiro, para o segundo e para o terceiro posto.
Estas foron as respostas acertadas:
Ao experimentar a preparación e a asistencia a un concerto de maneira activa, o alumnado aprende novos conceptos, interioriza coñecementos de maneira directa, métese na pel dos profesionais do mundo musical e desenvólvese competencialmente de xeito eficaz.
O concerto de 3ºC levouse a cabo hoxe segundo o previsto, coa presencia de todas e todos os participantes e coa participación e a colaboración de todo o grupo para poder facer que a experiencia fora tan positiva como resultou.
Agradecemos, pois, a todas e a todos o voso entusiasmo, e asistencia como público a Eva, titora do grupo, que pediu poder desfrutar da arte do seu alumnado.
Moi ben, clase!.
Chegou o día do concerto de 3ºA.
Todo estaba preparado para dar comezo segundo o orde do programa do concerto.
Cantaron e tocaron xenial, tras días de ensaios dos temas e fragmentos que escolleron para actuar.
O mellor, sen dúbida, foi a ilusión que amosaron por preparalo todo o mellor posible e que este día chegase para poder sentirse como uns verdadeiros artistas.
Grazas nenas e nenos pola participación e a colaboración tan boa que tivestes!.
A continuación vemos uns momentos do concerto.
Subscribirse a:
Comentarios (Atom)
APÚNTATE A TOCAR UN INSTRUMENTO
Entradas máis lidas
Traducir este blog
