NUN MERCADO PERSA - 4º

NUN MERCADO PERSA- Albert William Kètelbey

A historia de Nun mercado persa desenvólvese no Imperio Persa. 

Os mercaderes atravesan o deserto para chegar ao mercado da cidade.

Os personaxes son: os cameleiros, os mercaderes, a princesa, os saltimbanquis, os encantadores de serpes e o sultán.

A obra componse de 10 escenas diferentes:

1. Chegan lentamente os cameleiros

2. Os mendigos piden limosna.

3. Aparece a princesa.

4. Os malabaristas no mercado.

5. Os encantadores de serpes.

6. O paso do sultán polo mercado.

7. Volven as voces dos mendigos.

8. A princesa prepárase para partir.

9. Os cameleiros continúan o seu camiño.

10. El mercado  queda en silencio.

Ola, chámome Ahmed.

O meu pai vende especias: azafrán, cardamomo, canela, comiño...

Ao amencer, os días de mercado axudo á miña familia a preparar os nosos aveños, e logo dirixímonos ao zoco da cidade cruzando o deserto.

Alí, todos os mercaderes montamos os nosos postos ao tempo que cantamos:

Cada día estamos en pé,

do amencer ata o anoitecer.

Teas, cestos e especias tamén. 

Todo o que imaxinas (bis).

A media mañá sempre aparece a princesa Nadima. O seu perfume confúndese co noso posto de especias. Entre teas e tapices debúxase a súa silueta que se mestura coas damas que a acompañan. 

A súa filla Mariam é a miña amiga e sempre xogamos xuntos no posto das alfombras. O vello Rahim contounos que sobre algunhas das súas alfombras se pode voar.

Despois comeza a festa. Os saltimbanquis fan acrobacias na praza. E os encantadores de serpes sacan as súas frautas e deléitannos coas súas melodías. 

De súpeto, as trompetas anuncian a chegada do sultán, o mellor comprador de todos.

Para el entoamos de novo o noso canto:

Pola tarde, a princesa Nadima, as súas damas e a miña amiga Mariam retíranse deixando tras de si un agradable aroma a xasmín. É hora de despedirnos.

Cando o sol comeza a agocharse, cargamos os nosos camelos e emprendemos o camiño de volta á casa antes de que caia a noite.  

Ao deitarme, dúrmome lembrando o olor das especias, as cores das teas e as alfombras máxicas do vello Rahim. 

Vista xeral do mercado persa:

Vista xeral dun mercado persa:

Música de cada personaxe