AS FUNCIÓNS DA MÚSICA
A MÚSICA INFLÚE NO NOSO ESTADO DE ÁNIMO E NAS NOSAS EMOCIÓNS. PODE AXUDAR A RELAXARNOS E A CONCENTRARNOS, PERO TAMÉN PODE INFUNDIRNOS VALOR E ENERXÍA.
ADEMAIS, A MÚSICA REFORZA O SENTIMENTO DE PERTENZA A UN GRUPO. A MÚSICA ÚNENOS!.
A música inflúe no noso estado de ánimo e pode cumprir diversas funcións:
• Relaxar: como os arrolos ou a música de meditación, que adoitan ter un tempo lento, unha intensidade suave e unha melodía repetitiva.
• Estimular: como a música de baile ou para festexar acontecementos, que normalmente teñen melodías animadas que transmiten optimismo.
• Fomentar a pertenza a un grupo: como os himnos nacionais, universitarios ou deportivos, que adoitan ter un tempo medio e un carácter emotivo, con letras que reforzan a unión e o sentimento de compartir un obxectivo común.
• Comunicar e persuadir: como os "jingles", que nos intentan convencer das virtudes dun produto, teñen ritmos e melodías apegadizos, e letras rimadas fáciles de lembrar.
SECCIÓNS DUNHA OBRA MUSICAL
Ademais das partes principais que dan forma a unha obra musical (A, B, C…), hai seccións que completan o conxunto, son as seccións menores:
• A introdución soa ao principio e serve para captar a atención do oínte e presentar o estilo, o carácter e a velocidade da peza.
• A ponte, tamén chamada interludio, enlaza dúas partes e adoita ser breve e instrumental.
• A coda (que en italiano significa «cola») é a sección final dunha obra e nas partituras indícase co signo Ø.
A MÚSICA POP
A música pop ou popular (pop music) xurdiu nos Estados Unidos de América e en Inglaterra a finais da década de 1950. É un tipo de música especialmente dirixida á mocidade e conta cunha gran presenza nos medios de comunicación, que participan activamente para difundila.
As cancións pop adoitan ser de curta ou media duración, con melodías sinxelas e apegadizas, e cunha estrutura que combina estrofas e retrouso. O mesmo ca no rock, na música pop están moi presentes os instrumentos electrófonos e a batería, aínda que a súa presenza é máis suave. Ademais, aprovéitanse todos os recursos tecnolóxicos que ofrece o estudio de gravación.
Bing Crosby foi o primeiro cantante apodado "o rei da música popular", pola popularidade que acadou en todo o mundo durante as décadas 1940, 1950 e 1960.
Frank Sinatra tamén contribuiu á popularización da música pop.
Madonna está considerada a artista pop con máis venda de discos.
Michael Jackson é coñecido como "o rei do pop" desde a década de 1980 ata a actualidade e o seu álbume Triller posúe o récord do máis vendido de todos os tempos.
Cher abriu o camiño a moitos artistas do xénero pop.
The Beatles tamén abarcaron o xénero pop e foi o grupo con maiores vendas.
Música de aula:
Título: Fábrica de luz Título: O tren
Grupo: A banda da loba Intérprete: Andrés do Barro
Título: Thriller Título: Radio Ga ga
Coñece datos sobre a canción Fábrica de luz aquí. Coñece datos sobre a canción O tren aquí. Coñece datos sobre a canción Déjame aquí. Coñece datos sobre a canción Rolling in the deep aquí. Coñece datos sobre a canción Thriller aquí. Coñece datos dobre a canción Radio Ga Ga aquí.
IMPORTANTE: Cando comentes faino incluíndo algún dato lido na entrada.
A BATERÍA
A batería é un conxunto de instrumentos de percusión de altura indeterminada tocados por un só músico: o ou a baterista.
É un instrumento indispensable para varias agrupacións, especialmente para a música pop, o blues, o jazz, o rock ou o heavy metal.
A súa función é marcar o ritmo e os tempos da melodía, aínda que co tempo foi evolucionando cobrando o seu propio protagonismo dentro de moitas bandas de rock, chegando a ser instrumento solista.
A batería está composta por distintos elementos que se tocan con baquetas e pedais. Estes elementos son:
. Bombo: gran tambor de son grave que se golpea cun mazo accionado por un pedal (imaxe). Marca o pulso da música. Está composto por un casco, dous aros e un parche groso e resistente, xa que ten que soportar o impacto constante do pedal para producir un son profundo e resonante.
. Toms: dous ou tres tambores de diferentes tamaños situados aos lados do intérprete. Os toms pequenos teñen parches finos para sons máis agudos e o tom base de maior medida para efectos musicais e maior resonancia.
. Caixa ou redobrante: pequeno tambor cunha tira metálica na parte inferior que lle dá un son característico.
Os aros da caixa son os bordos superiores e inferiores que sosteñen os parches. Os parches son láminas elásticas que se tensan sobre os aros e vibran ao golpealos coas baquetas.
. Pratos: dous discos metálicos que se golpean con baquetas e vasoiriñas (imaxe), con diferentes golpes para crear diferentes tipos de sons.
. Charles/ hit-hat: dous pratos que se chocan entre si accionados por un pedal. Marcan de maneira constante as partes acentuadas.
Batería acústica
Escoita como sona cada un dos elementos:
Baterista solista
Batería electrónica
ACTIVIDADE: Completa os elementos da batería.
Instrumentos galegos
Instrumentos virtuais
INSTRUMENTOS EXÓTICOS
A pipa: instrumento cordófono pulsado que funciona como solista e tamén como acompañante, ten 4 cordas y certa semellanza co laúde. A súa forma é de pera, é de orixe chinesa e data do século II a.C. Ademais, ten un mastro curvo e curto con 38 trastes. A pipa tócase coas unllas.
A kora: instrumento cordófono de orixe africana, cuxo son lembra un arpa. A súa caixa de resonancia constrúese coa metade dunha cabaza grande forrada con coiro. Ten unha ponte con fendeduras colgando desde o mastro, no que se asentan 20 ou 21 cordas.
A balalaika: instrumento cordófono de orixe rusa, con caixa de resonancia triangular, chá e cunha pequena abertura. Ten 3 cordas metálicas e un mastro longo.
A bandurra ucraniana: instrumento cordófono pulsado, orixinario de Ucrania.
Está formada por unha caixa de resonancia de madeira. As cordas van nun mastro curto sen trastes.
Idea con instrumento de pequena percusión caseiro
.jpg)
.jpg)
.jpg)
.jpg)
