Música Vitamínica: Actos performativos

UNIDADE 9 4º

Por: Música Vitamínica o 29.3.25 / comentarios: 64 Actos performativos, Interese práctica e confianza nun mesmo. Fases do proceso creativo, Linguaxes expresivas, Respiración consciente, Técnicas básicas dramáticas e dancísticas

A POSTURA NA DANZA

Aliñación corporal

A aliñación corporal é a colocación das partes do corpo, principalmente o esquelete, durante a execución dun movemento. É dicir, a posición do corpo en cada momento dun baile.

A aliñación corporal na danza require que todas as partes do corpo estean en balance; ou sexa, co peso do corpo ben distribuido entre elas. Unha aliñación corporal axeitada permite facer os movementos dunha danza co mínimo esforzo muscular e con maior fluidez. Tamén permite bailar con máis liberdade e facilidade sen facer esforzo innecesario.

Unha boa postura na danza depende de moitos elementos que funcionan xuntos:

A columna vertebral móvese seguindo a liña das súas curvaturas naturais.
En cada paso o corpo mantén unha aliñación equilibrada entre as diferentes partes.
O corpo emprega a súa forza muscular de maneira eficiente.

Os beneficios que aporta unha boa postura na danza son:

• Axuda a obter un balance correcto para executar os pasos.

• Evita lesións.

• Diminúe a tendencia a padecer dores musculares.

• A calidade da respiración mellora.

• Axuda a manter unha boa flexibilidade

• Prevén a fatiga causada polo uso ineficiente do sistema muscular.

UNIDADE 9 3º

Por: Música Vitamínica o 29.3.25 / comentarios: 0 Actos performativos, Fases do proceso creativo, Interese, Linguaxes expresivas, práctica e confianza nun mesmo, Respiración consciente, Técnicas básicas

A RESPIRACIÓN NA DANZA

Aprender a respirar é importante. Dominar técnicas de respiración permite manter a enerxía durante toda a coreografía, evitar o esgotamento prematuro e mellorar a concentración.

A respiración durante a danza debe ser lenta e profunda e a través do nariz, nunca pola boca.

Nunha respiración axeitada, o peito e os ombros non deben levantarse.

Antes de danzar, faremos:

Quentamento: con exercicios de respiración para preparar o corpo e a mente.
Ensaio: sincronizando a respiración coa coreografía, identificando os momentos clave para inhalar e exhalar.
Enfriamento: con respiracións profundas para relaxar os músculos e reducir a frecuencia cardíaca.

A HIXIENE POSTURAL NA DANZA

A danza implica un traballo moi completo de todo o corpo: forza, axilidade, control do movemento e do equilibrio, e lixeireza. Polo tanto, é unha boa ferramenta para mellorar a nosa postura.

O principal obxectivo da hixiene postural é previr sobrecargas musculares e lesións, ademais de permitir unha óptima respiración.

Unha correcta hixiene postural promove o mantemento da postura correcta do corpo durante a realización das actividades da vida diaria. Grazas a unha postura axeitada, combinada cunha respiración correcta, poderás conseguir realizar as actividades con menor esforzo.