Música Vitamínica

CONCERTO DE AULA 3º

Por: Música Vitamínica o 1.6.23 / comentarios: 1 3º, arte, concerto, interpretación

O alumnado de 3º asistiu como público a un pequeno concerto no que participaron compañeiras e compañeiros como intérpretes.

A atención foi plena, desfrutaron con cada peza e os aplausos foron intensos.

A verdade é que soubo a pouco.

Moi ben por esas e eses artistas!!!.

Aquí vai un resumo da actividade.

🎵🎵🎵

A MÚSICA JAZZ _ 5º

Por: Música Vitamínica o 21.5.23 / comentarios: 8 5º, cultura musical, IMPROVISACIÓN, JAZZ, SAXOFÓN, SOLO

O JAZZ

🎷🎷🎷

A MÚSICA NOS MEDIOS DE COMUNICACIÓN _ 5º

Por: Música Vitamínica o 21.5.23 / comentarios: 9 5º, ANUNCIOS, cultura musical, medios de comunicación, música, PROGRAMAS, radio, TELEVISIÓN

A MÚSICA NOS MEDIOS DE COMUNICACIÓN

A música desempeña un papel esencial nos medios de comunicación, como a radio ou a televisión. Ademais, existen algúns tipos de composicións creados especificamente para estes medios. Por exemplo:

. Unha sintonía é unha música que nos indica o inicio ou o final dun programa de radio ou de televisión, e que nos permite identificalo rapidamente. Adoita compoñerse por encargo, aínda que tamén se usan fragmentos de obras célebres.

. Un jingle é unha peza musical creada especialmente para anunciar algo. Adoita ser breve e apegadiza, e incluir na súa letra o nome do produto a anunciar.

Sintonías de televisión-Programas-Pasapalabra

Sintonías de radio-Sorteo-ONCE

Sintonías de televisión-Debuxos animados-Bob Esponxa

🎶🎶🎶

A PROFESIÓN DE LUTHIER _ 5º

Por: Música Vitamínica o 21.5.23 / comentarios: 5 5º, cultura musical, fabricación, instrumentos corda, luthier, profesión

A PROFESIÓN DE LUTHIER

A persoa que constrúe e repara instrumentos musicais chámase luthier.

O laúde é un instrumento de corda pulsada de orixe árabe moi estendido na península ibérica. En Francia, chamábaselles luthieres aos fabricantes deste instrumento. Eran artesáns e artesás de moita sona. Esa palabra estendeuse ao resto de linguas de Europa.

Trátase dunha profesión moi antiga que aínda perdura nos nosos tempos. Podemos atopar luthiers de gaitas, de guitarras, violíns, laúdes. Tradicionalmente a este oficio adicábanse homes pero na actualidade tamén as mulleres son luthieres.

🎻🎻🎻

O DÍA DE GALICIA

Por: Música Vitamínica o 13.5.23 / comentarios: 5 cultura musical, Galicia, himno galego, LETRAS GALEGAS

O Día Nacional de Galicia, coñecido tamén como Día de Galicia ou Día da Patria Galega, é a festa oficial da comunidade autónoma de Galicia e celébrase o 25 de xullo, día da festividade do apóstolo Santiago.

As celebracións adicadas ao Apóstolo teñen unha duración de dúas semanas aproximadamente. Durante esta quincena, as actividades culturais son moi diversas. A cidade de Santiago chea de música de todos os estilos, danza, teatro, pasarrúas e verbenas. É destacable a reunión de Bandas de Música de toda a Comunidade Autónoma, así como as exhibicións de traxes rexionais e bailes folclóricos.

A noite do 24, no momento que dá paso ao día 25, lánzanse os espectaculares fogos de artificio na honra precisamente ao Apóstolo Santiago, ao tempo que se queima o gran castelo de pirotecnia que imita la fachada gótica da Catedral. O 25 de xullo celébrase a misa solemne na Catedral.

Cando o 25 de xullo coincide en domingo, celébrase o Ano Santo Compostelano ou Ano Santo Xacobeo. Conforme a isto, o vindeiro ano Santo ou Xacobeo será o ano 2021 porque o día 25 será domingo. Ese ano a concentración de peregrinos e peregrinas chegados de todas partes do mundo será moito maior que de costume en Santiago de Compostela.

O Himno de Galicia é un dos símbolos da Comunidade Autónoma de Galicia. O noso himno titúlase Os Pinos. Recibe este nome porque a súa letra está sacada do poema Os Pinos do escritor Eduardo Pondal. Polo tanto, a letra do himno galego é de Eduardo Pondal e a música foi composta por Pascual Veiga.

Aquí tedes un vídeo coa letra do himno de Galicia Os pinos:

Os e as de 6º que ides a 1º da ESO, podedes coñecer de maneira rápida a historia de Galicia no seguinte vídeo:

Os e as demais podedes coñecer a vida na Galicia antiga nos seguintes vídeos:

Video 1

Se che gustou o vídeo 1 mira a continuación o vídeo 2:

Vídeo 2

Gustouche o himno galego? Que é o que máis te chamou a atención da vida na Galicia de antes? Deixa o teu comentario sobre algo do que aprendiches nesta entrada.

🎵🎵🎵

MÚSICA E EVOLUCIÓN HUMANA

Por: Música Vitamínica o 13.5.23 / comentarios: 19 cultura musical, instrumentos galegos, INSTRUMENTOS TRADICIONAIS., MÚSICA E EVOLUCIÓN

O pasado luns o alumnado de 4º, 5º e 6º de Educación Primaria asistiu a un concerto explicativo da man dos músicos Rosa e Pablo.

O alumnado tivo a oportunidade de coñecer o por que dalgúns roles do ser humano na sociedade explicado a través da música tradicional galega.

Todo, ao tempo que se informaban sobre a evolución dos instrumentos galegos que coñecen hoxe en día e da importancia da música na sociedade xa desde as orixes da humanidade e ata os nosos días.

A conclusión foi que a música abarca moitos ámbitos da nosa vida redundando con importantes beneficios en cada un de nós como seres humanos e en conxunto como sociedade.

Velaquí algunhas imaxes da actividade.