Música Vitamínica

RITMO E MOVEMENTO

Por: Música Vitamínica o 19.9.23 / comentarios: 0 3º, Coordinación rítmica, movemento

Esta é unhas das actividades de 3º curso de hoxe.

O alumnado está traballando a identificación das frases musicais, vivenciando e experimentando coas melodías, os ritmos e as diferentes partes de pequenos fragmentos de obras célebres.

Ao comezo semelláballes difícil pero coa práctica na mesma sesión xa se notou a melloría.

Pasáronno xenial!.

VASOS RÍTMICOS EN 6º

Por: Música Vitamínica o 17.9.23 / comentarios: 2 6º, Black or white, cultura musical, Michael Jackson, VASOS RÍTMCOS

Un dos momentos clave na aprendizaxe musical é a posta en funcionamento ao máximo dos nosos sentidos para poder desenvolver a nosa musicalidade e saber darlle significado ao que estamos a aprender.

Así o fixestes ao practicar coas diferentes partes dun tema da música pop en sexto curso.

REPASO BÁSICO DE 5º CURSO

Por: Música Vitamínica o 13.9.23 / comentarios: 0 6º, cerebro musical, INTELIXENCIAS MÚLTIPLES, LINGUAXE MUSICAL, REPASO 5º CURSO

CADRO RESUMO DAS CALIDADES DO SON

MARCACIÓN DOS COMPASES

A ANACRUSA

A anacrusa é unha nota ou grupo de notas que preceden ao primeiro tempo forte dunha obra ou fragmento musical. Polo tanto e, tal e como aparece no exemplo, sería un compás incompleto ao comezo da composición.

O TEMPO

O tempo é o grao de velocidade con que se interpreta unha obra musical. Indícase ao comezo do pentagrama mediante equivalencia ou mediante termos italianos.

A FORMA MUSICAL

A forma musical é a organización das diferentes partes dunha obra musical. Esta organización represéntase cunha estrutura baseada en letras que identifican cada parte.

. Forma binaria: consta de dúas partes. Unha idea principal e outra diferente que contrasta coa anterior. Estrutura:

. Forma ternaria: consta de tres partes. Unha idea principal que se vai alternado con outras constrastantes volvendo á idea principal ou seguindo con partes diferentes. Estrutura:

ABA

ABC

. Forma rondó: Consta dunha idea principal intercalada con outras contrastantes e rematando coa idea principal. Estrutura:

ABACADA

A LIGADURA DE UNIÓN

A ligadura de unión é un signo musical de prolongación que, ao situarse en notas co mesmo son, prolonga a duración desas notas sumando os seus valores. Lemos a primeira nota e alongámola todo o tempo que dura a ligadura de unión.

O CALDEIRÓN

O caldeirón é un signo musical de prolongación que, ao situarse sobre unha figura ou silenio, suspende temporalmente o pulso da música e prolonga a duración desa figura ou silencio tanto como se desexe.

1º TRIMESTRE 4º

Por: Música Vitamínica o 13.9.23 / comentarios: 0 1º TRIMESTRE 4º, cerebro musical, INTELIXENCIAS MÚLTIPLES, LINGUAXE MUSICAL, repaso

REPASO BÁSICO DE 3º CURSO AUDICIÓNS LINGUAXE MUSICAL INSTRUMENTOS

INSTRUMENTOS 4º

Por: Música Vitamínica o 13.9.23 / comentarios: 0 4º, actividades, cultura musical, INSTRUMENTOS MUSICAIS, percusión, VENTO

OS INSTRUMENTOS DE VENTO. CLASIFICACIÓN

Os instrumentos de vento poden ser de vento-madeira (normalmente están feitos de madeira; o son prodúcese pola vibración do aire no propio instrumento soprando nun bisel ou a través dunha cana) ou de vento-metal (están fabricados con metal; o son prodúcese pola vibración dos beizos na boquilla da embocadura).

ACTIVIDADE: Memoriza viento (marca nombre e instrumento o instrumento y nombre).

ACTIVIDADE: Relaciona los instrumentos (escucha primero el sonido, haz clic en la casilla fuera del sonido y en la casilla del nombre del instrumento).

ACTIVIDADE: Memoriza viento (marca nombre e instrumento o instrumento y nombre).

ACTIVIDADE: De uno en uno (Escribe el instrumento que suena. Coloca el acento en las palabras que lo lleven).

ACTIVIDADE: Escribe su nombre (marca la casilla del número y escribe el nombre del instrumento).

ACTIVIDADE: Memoriza percusión (marca de dos en dos casillas hasta dar con dos instrumentos iguales).

OS INSTRUMENTOS DE PERCUSIÓN. CLASIFICACIÓN

Os instrumentos de percusión soan ao golpear, axitar ou raspar o corpo do instrumento ou o seu parche. Ademais, poden ser: de altura determinada (permítennos interpretar melodías) ou de altura indeterminada (só permiten interpretar ritmos).

Instrumentos de percusión escolares

Actividad:

ACTIVIDADE: Memoriza percusión (marca de dos en dos casillas hasta dar con dos instrumentos iguales).

REPASO BÁSICO DE 3º CURSO

Por: Música Vitamínica o 13.9.23 / comentarios: 0 4º, cerebro musical, INTELIXENCIAS MÚLTIPLES, LINGUAXE MUSICAL, REPASO DE 3º, TEORÍA

Repaso básico de 3º curso

AS CALIDADES DO SON

A altura: É a calidade do son que nos permite saber se un son é agudo ou grave. Está representada polas notas.

A duración: É a calidade do son que nos permite saber se un son é longo ou curto. Está representada polas figuras.

DURACIÓN DAS FIGURAS MUSICAIS

O timbre: É a calidade do son que nos permite diferenciar o son particular das voces, dos instrumentos e dos obxectos.

A intensidade: É a calidade do son que nos permite coñecer se un son é forte ou suave.

OS SIGNOS DE REPETICIÓN

Empregamos signos de repetición para simplificar a escrita musical e non ter que escribir dúas veces os memos compases.

1. Dobre barra con dous puntos.

A dobre barra con dous puntos é un signo musical de repetición que aparece ao final dun fragmento para indicarnos que ese fragmento se repite.

Cando aparece unha vez indica que debemos cantar ou tocar de novo a música que hai antes da dobre barra con dous puntos. Cando aparece dúas veces indica que os compases que están dentro das dobres barras con dous puntos, se repiten.