Música Vitamínica

UNIDADE 2 2º

Por: Música Vitamínica o 2.10.24 / comentarios: 3 A voz e os instrumentos, Construción de obxectos sonoros, O son e as súas calidades, Obxectos sonoros, Recursos dixitais, Valoración e interese en producións musicais., Vocabulario

A CLASIFICACIÓN DOS INSTRUMENTOS

Os instrumentos musicais clasifícanse segundo a maneira en que producen o son. Se un instrumento musical produce son a partir de cordas, ese instrumento é de corda. Se para facer son cun instrumento precisamos soplar nel, ese instrumento é de vento. E se para producir son o golpeamos, o axitamos ou o chocamos, é un instrumento de percusión.

OS INSTRUMENTOS DE CORDA

Por que o piano é un instrumento de corda?. Onde están as súas cordas?. Fíxate ben para velas e descubrir como se produce o son neste instrumento.

A NOTA SI

A nota SI colócase na 3ª liña do pentagrama.

Le coas notas que xa sabes e di SI cada vez que vexas unha nota na 3ª liña. Lembra respectar as duracións das figuras e dos silencios.

Mi, fa, sol, la si redondas

Mi, fa, sol, la, si brancas

Mi, fa, sol, la, si negras

Mi, fa, sol, la, si brancas, negras e silencios

Mi, fa, sol, la, si redondas, brancas, negras, silencios e parellas de corcheas

NOTAS DE REPASO FA, SOL, LA, SI

Lembra que a nota fa sempre aparece no 1º espazo do pentagrama, a nota sol, na 2ª liña, a nota la no 2º espazo do pentagrama e a nota si na 3º liña. Todas estas notas levan a plica cara arriba e á dereita da cabeza, menos a nota si que a pode levar cara arriba ou cara abaixo á esquerda. Memorízaas ben!.

Mira cada nota ao tempo que vas dicindo de memoria o seu nome en voz alta. Preme na imaxe do pentagrama se o queres ver en tamaño grande.

Intenta agora facer a seguinte lectura sen a axuda das cores.

Fa, sol, la, si negras

Fa, sol, la, si brancas

Fa, sol, la, si negras, brancas e silencios

Fa, sol, la si negras, brancas, silencios e parella de corcheas

Fa, sol, la, si corcheas, negras e silencios

Fa, sol, la si corcheas

A ORGANIZACIÓN DA MÚSICA

A música vaise organizando en compases que están separados por liñas divisorias. Sempre que remata a música nunha partitura, aparece a dobre barra final.

As figuras musicais representan a duración do son. Cada unha delas ten unha duración:

As figuras e silencios combínanse entre elas. Por exemplo, para sumar tres tempos podemos facer a seguintes combinacións, entre outras:

A DURACIÓN DAS FIGURAS MUSICAIS

. A negra dura 1 tempo.

. O silencio de negra dura 1 tempo.

. A branca dura 2 tempos.

. O silencio de branca dura 2 tempos.

. A parella de corcheas dura 1 tempo.

Escoita e compróbao:

LECTURA RÍTMICA

O COMPÁS DE DOUS TEMPOS

AUDICIÓN "O RELOXO SINCOPADO"-Leroy Anderson

(Obra en compás de dous tempos)

LECTURA RÍTMICA

OS INSTRUMENTOS DE LÁMINAS

Os instrumentos musicais de láminas son instrumentos da familia da percusión cos que podemos tocar as melodías das cancións que máis nos gustan.

O metalófono é grande e ten as láminas grosas e de metal. O seu son resona como o eco.

O xilófono é mediano ou grande e ten as láminas de madeira. O seu son é oco, non resona.

O carillón é pequeno e ten as láminas de metal. O seu son é brillante, fino e cristalino.

Todos, o metalófono, o xilófono e o carillón tócanse con baquetas.

Escoita como sonan:

CARILLÓN XILÓFONO

METALÓFONO CONXUNTO

A persoa que toca instrumentos de percusión; por exemplo, o metalófono, o xilófono ou o carillón chámase percusionista.

O FAGOT

A persoa que toca o fagot chámase fagotista.

O CLARINETE

A persoa que toca o clarinete chámase clarinetista.

CANCIÓN "A BAILAR NO SAMAÍN"

A bruxa e as pantasmas,

os zombis e as cabazas,

van xuntos celebrar

que chegou o Samaín.

Tamén os esqueletos

dan chimpos moi contentos,

pois gústalles a festa

e bailar no Samaín.

Lectura 3

Lectura 4

Lectura 5

Idea para fabricar instrumento musical caseiro

ACTIVIDADES DIXITAIS

UNIDADE 2 1º

Por: Música Vitamínica o 2.10.24 / comentarios: 3 A voz e os instrumentos musicais, Construción de obxectos sonoros, O son e as súas calidades, Obxectos sonoros e instrumentos caseiros, Valoración e interese en producións musicais, Vocabulario

OS INSTRUMENTOS DE PERCUSIÓN

Claves Caixa chinesa

Triángulo Güiro

Pandeireta

UNIDADE 1 6º

Por: Música Vitamínica o 2.10.24 / comentarios: 81 Estratexias de recepción activa, Normas de comportamento na recepción de propostas. O silencio durante a audición

AS CALIDADES DO SON

UNIDADE 1 5º

Por: Música Vitamínica o 2.10.24 / comentarios: 134 Estratexias básicas de recepción activa, Normas de comportamento. O silencio durante a audición

O SON

O son é a materia prima da música.

O son é a sensación auditiva que percibe o noso oído cando un corpo sonoro en movemento produce unha vibración que se transmite a través do aire ata chegar ao noso oído.

O son pódese propagar por varios medios: o aire, a auga e os medios sólidos.

Nós escoitamos os sons e a música a través do aire. As ondas sonoras van desde o corpo sonoro ata o noso oído. O aire é o medio máis lento polo que se transmite o son. Pola auga e por medios máis sólidos como o aceiro, o son transmítese moito máis axiña.

UNIDADE 1 4º

Por: Música Vitamínica o 2.10.24 / comentarios: 163 Estratexias básicas de recepción activa, Normas de comportamento. O silencio durante a audición.

AS CALIDADES DO SON

A altura é a calidade do son que nos permite considerar un son agudo, medio ou grave segundo o número de vibracións por segundo que produce. A máis vibracións, máis altura.

UNIDADE 1 3º

Por: Música Vitamínica o 2.10.24 / comentarios: 2 Estratexias básicas de recepción activa, Normas de comportamento, O silencio durante a audición

AS CALIDADES DO SON:

ALTURA, DURACIÓN, INTENSIDADE E TIMBRE

UNIDADE 1 2º

Por: Música Vitamínica o 2.10.24 / comentarios: 2 Estratexias básicas de recepción activa, Normas elementais de comportamento, O silencio durante a audición.

AS CALIDADES DO SON

A duración indica se os sons son longos ou curtos.

Son longo Son curto

A altura indica se os sons son agudos ou graves.

⬆ ⬇

Son agudo Son grave

A intensidade indica se os sons son fortes ou suaves.

Son forte Son suave

ACTIVIDADE ALTURA 1 (sons agudos e graves a partir de imaxes).

ACTIVIDADE ALTURA 2 (clasificación de sons agudos e graves a partir de imaxes).

ACTIVIDADE INTENSIDADE 1 (clasificación de sons fortes e suaves a partir de imaxes).

ACTIVIDADE INTENSIDADE 2 (sons fortes e suaves a partir de imaxes).

ACTIVIDADE CALIDADES DO SON 1 (unir e clasificar sons a partir de audio).

ACTIVIDADE CALIDADES DO SON 2 (producir sons vocais a partir de indicacións aleatorias).

OBRAS E COMPOSITORES

Antonio Vivaldi naceu na cidade de Venecia, en Italia. Foi violinista profesional e tamén director musical. Escribiu máis de 800 obras, entre elas "Las cuatro estaciones" cunha música adicada á primavera, outra ao verán, outra ao outono e outra ao inverno.

Amadeus Mozart pasaba moitas tardes escoitando como a súa irmá Nannerl tocaba o piano e quixo aprender a tocalo el tamén.

Amadeus aprendeu a tocar o piano aos tres anos, e aos cinco anos xa ofrecía concertos. Amadeus non foi á escola. O seu pai Leopold era músico e profesor e ensináballe Música, Matemáticas e idiomas. Leopold decidiu que os seus fillos Nannerl e Amadeus debían tocar en concertos polo mundo.

Amadeus compuxo música para tocar e tamén música para cantar. Unha obra de Mozart moi coñecida para cantar é "La flauta mágica", e unha obra súa moi coñecida para tocar é "Alla turca" ou Marcha turca.

Ludwig Van Beethoven tamén aprendeu piano co seu pai, que era músico, e máis tarde con outros mestres de Música. Traballou como pianista. Aos 26 anos comezou a quedarse bastante xordo e pouco a pouco quedou sen poder oír nada. Aínda así seguía facendo música. Como a facía sen oír?. Pois a partir das vibracións do son, ese tipo de temblores que podemos notar a través do tacto cando a música está sonando. Unha das obras máis coñecidas de Beethoven é "Para Elisa", adicada a unha muller que se chamaba así.

Camille Saent-Saëns aprendeu música coa súa nai e coa súa tía, e tamén aprendeu a tocar moi cedo o piano. Compuxo moitas obras, unha delas é "El carnaval de los animales", con varias pezas musicais que representan os movementos e os sons de varios animais como por exemplo, "La marcha del león".