Máis información Máis información
O SANCRISTÁN DE COÍMBRA-canción popular galega
O Sancristán de Coímbra
facía de mil diabluras (bis)
mollaba o pan en aceite,
deixaba os santos a escuras (bis)
E bate fado e bate ben,
ti ére-la causa do meu desdén (bis)
O mar tamén ten amores,
o mar tamén ten mulleres (bis)
Está casado coa area,
dálle bicos cantos quere (bis)
-Retrouso-
Eu quixera ser merliño
e te-lo bico encarnado (bis)
para face-lo meu niño
no teu cabelo dourado (bis)
-Retrouso-
A miña nai xa non me deixa
levar o leite a Coímbra (bis)
porque dicen os rapaces:
que leiteiriña máis linda! (bis)
-Retrouso-
Como se produce a voz?.
O aire, ao expirar, sae pola boca desde os pulmóns pasando pola larinxe. Alí fai vibrar as cordas vocais producindo son.
O son da voz amplifícase (amplíase, agrándase) na boca, nas fosas nasais, na cabeza e na cavidade torácica, que fan unha función similar á da caixa de resonancia dos instrumentos.
LECTURAS RÍTMICAS
AUDICIÓNS
Glop, glop, glop
A CLAVE DE SOL
O ACORDE
Un acorde, na súa forma máis básica, é un conxunto de notas ordenadas por terceiras que sonan ao memo tempo.
Se o acorde está formado por tres notas chámase tríada.
A nota máis importante do acorde é a primeira e chámase nota fundamental. Esta fundamental dá o nome ao acorde: un acorde de Re maior constrúese a partir da nota Re como fundamental.
Logo, ao superpoñer unha terceira sobre esta fundamental, obtemos a terceira do acorde. E ao superpoñer unha terceira sobre a terceira, obtemos a quinta. Así, un acorde básico ten fundamental, terceira e quinta.
No caso do acorde de Do temos: Do como fundamental, Mi como terceira (conto do – re – mi) e Sol como quinta (conto do – re – mi – fa – sol).
Acordes maiores e acordes menores
Ambos teñen unha quinta xusta. A diferencia é que o acorde maior contén unha terceira maior, mentres que o acorde menor contén unha terceira menor a partir da fundamental.
Acorde maior: fundamental+terceira maior+ quinta xusta (1 – 3 – 5).
Acorde menor: fundamental, terceira menor e quinta xusta (1 – ♭3 – 5).
O nome que recibe cada nota do acorde e as súas funcións son:
Do = Fundamental. É a nota base do acorde.
Mi = Terceira. Define se o acorde é maior ou menor.
Sol = Quinta. Dá estabilidade e contundencia ao son.
Unha imaxe clara de como se constrúe a harmonía desde a base é:
Un acorde como mínimo ten que estar formado por tres notas superpostas. Pero tamén pode haber acordes de máis notas. Se engadimos unha nota máis, teremos un acorde de sétima, se agregamos añinda outra máis, teremos un acorde de novena.
A sétima engade tensión sonora ao acorde. Sona como máis vivo e pode ser maior ou menor.
A novena engade expansión ao son. Dálle brillo e amplitude, facendo que o son sexa máis envolvente.
Vemos entón que un sinxelo engadido de notas pode cambiar completamente a emoción que transmite un acorde.
Película Letra Orquestra
LECTURAS RÍTMICAS CON BAQUETAS
Compás binario, ternario e cuaternario
CANTAMOS:
PROFESIÓNS RELACIONADAS COA MÚSICA
É esencial ter habilidades musicais para traballar como profesional da música.
Algunhas das profesións relacionadas co mundo da música son:
Compositor ou compositora
.jpg)
O compositor ou compositora crea música orixinal, xa sexa para cancións, películas, anuncios ou videoxogos. Pode compoñer a música ou a música e a letra se se trata dunha canción.
Moitos compositores e compositoras traballan en colaboración con outros artistas, o que lles permite expandir as súas oportunidades laborais.
Produtor ou produtora musical
.jpg)
Os productores musicais supervisan a gravación e producción de música. O seu traballo inclúe seleccionar cancións, traballar con artistas no estudo e mesturar sons. Co aumento da produción musical independente, a demanda de produtores e produtoras medrou.
Intérprete
.jpg)
O músico intérprete pode ser cantante, instrumentista e interpretar só ou en agrupacións. Pode facelo en vivo, gravar nun estudo, e ata participar en bandas sonoras de películas. Moitos músicos intérpretes traballan de maneira independente.
Docente de Música
Os docentes de Música son esenciais para a formación das novas xeracións de músicos. Son profesionais que forman a alumnas e alumnos na teoría e na práctica musical.
Os docentes de Música poden traballar en escolas, academias de Música ou conservatorios. A educación musical é cada vez máis importante, polo que moitos músicos se adican tamén ao ensino. Os docentes de música transmiten coñecementos musicais e educan para o desenvolvemento da musicalidade nas persoas.
Musicoterapeuta
.jpg)
Profesional que traballa con música para mellorar o benestar emocional, físico, cognitivo ou social en pacientes de todas as idades con problemas variados como lesións cerebrais, saúde mental ou discapacidades físicas.
O TEMPO
TOCAMOS:
O TEMPO
O CARÁCTER
A DINÁMICA
REPASO LECTURA DE NOTAS
Tempo, carácter e dinámica.
A TESITURA
A tesitura é o conxunto de notas que unha persoa pode cantar ou que un instrumento pode tocar. Dependendo das cordas vocais que cada persoa ten e do tamaño de cada instrumento, poderá ter unha tesitura máis grande ou máis pequena. Por exemplo, o xilófono ten unha tesitura pequena, o clarinete ten unha tesitura media e o piano ten unha tesitura grande.
Escoita a tesitura do xilófono, a tesitura do clarinete e a tesitura do piano:
A que outro instrumento pensas que pertence esta tesitura?.
Escoita a voz coa tesitura máis grave que se coñece.
FRERE JACQUES - canción popular francesa
CANTAMOS: TOCAMOS:
TOCAMOS INSTRUMENTOS DE LÁMINAS
ALLA TURCA-Mozart
Escoita "Alla turca" e axuda a Mozart coa súa música dando unha palmada para recoller cada negra.
CANCIÓN La casita de las notas
Subscribirse a:
Publicacións (Atom)
APÚNTATE A TOCAR UN INSTRUMENTO
Entradas máis lidas
Traducir este blog
