Aprende estas curiosidades e comenta a que máis te chama a atención:
Fíxate nas 4 operacións primeiras. Logo, resolve mentalmente a 5ª operación e escribe o resultado nun comentario.
A FAMILIA ADAMS - Vic Mizzy
.jfif)
Este tema musical foi composto por Vic Mizzy para a serie de televisión orixinal de 1964.
Ten un ritmo apegadizo e instrumentación dun clavecín e os estralos de dedos tan característicos.
O carácter deste tema é alegremente macabro, o ritmo xoguetón e os estralos de dedos convidan a unirse á diversión. Todo elo recolle á perfección a esencia da familia Addams: o extraño, o escuro sempre cun toque de humor.
Los locos Adams (español)
A Familia Addams deu o salto aos escenarios de Broadway cun exitoso musical titulado The Addams Family. Este musical, con música e letra de Andrew Lippa e libreto de Marshall Brickman e Rick Elice, estrenouse en Broadway no 2010, consolidándose como un espectáculo vibrante e entretido que expande o universo dos Addams de xeito fresco e orixinal.
O musical sitúanos na mansión Addams, no Central Park de Nova York. A trama xira en torno a Mércores Addams, quen, para sorpresa da súa peculiar familia, namorouse dun rapaz "normal", Lucas Beineke.
A historia comeza coa tradicional reunión anual da familia Addams no cemiterio, onde se celebra a esencia de ser un Addams coa canción When you're an Addams. O tío Fétido interrompe o retorno dos ancestros ás súas tumbas para pedirlles axuda, xa que Mércores invitou a cear a Lucas e aos seus pais "normales", Mal e Alicia Beineke.
A medida que se achega o momento da cea, as tensións aumentan. Mércoles confesa ao seu irmán Pugsley que o amor a está cambiando (Pulled), mentres que Morticia e Gómez se preocupan pola transformación da súa filla (Where did we go wrong). A chegada dos Beineke marca o inicio dunha noite caótica. Mércores e Lucas intentan que ambas familias actúen "normal" por unha noite (One normal night), pero a peculiaridade dos Addams e a represión dos Beineke axiña saen á luz.
O segundo acto explora as consecuencias da tormenta e as revelacións da cea. As parellas enfróntanse aos seus problemas: Mércores e Lucas teñen a súa primeira lea, Morticia teme perder relevancia na súa familia (Just around the corner), e Mal e Alicia confrontan o seu matrimonio.
No medio de todo, o tío Fétido canta unha serenata á lúa (The moon and me). Gómez e Mércores teñen un momento emotivo onde el acepta o crecemento da súa filla (Happy/Sad). Finalmente, as parellas reconcílianse, Pugsley confesa ser o responsable do soro da verdade (sendo felicitado por elo) e o tío Fétido lánzase á lúa nun cohete (Move toward the darkness). Incluso Lurch, o maiordomo silencioso, sorprende a todos cantando por primeira vez.
O musical conta a historia de como Mércoles Addams presenta o seu mozo "normal" e aos seus pais a súa peculiar familia, desencadenando una noite de caos e revelacións.
Algunhas das cancións máis destacadas na versión de Broadway inclúen:
- When you're an Addams (Cando es un Addams)
- Pulled (Atraída)
- Where did we go wrong (Onde erramos?)
- One Normal Night (Unha noite normal)
- Morticia
- What if (E se...?)
- Waiting (Agardando)
- Just around the corner (Á volta da esquina)
- The moon and me (La lúa e eu)
- Happy/Sad (Feliz/Triste)
- Crazier than you (Máis tolo ca ti)
- Live before we die (Vive antes de morrer)
- Move toward the darkness (Móvete cara a escuridade)
O Ballet de Kiev chegará á nosa cidade o 18 de outubro con toda a maxia do ballet clásico.
Un espectáculo único que une virtuosismo, elegancia e emoción no escenario.
Interpretará El lago de los cisnes de Piotr Tchaikovsky.
Animádevos a ir velo!!!
Aprende sobre a vida e a obra de Tchaikovsky
.jfif)
Se tes a ocasión de poder acudir en familia a desfrutar dalgún dos seguintes musicais, apúntate e desfruta desta oportunidade.
Anímate!
Información aquí
Resolve e comenta:
Resolve e comenta a resposta:
Na Antiga Grecia a música non só era arte, era educación, polo seu poder educativo. Non só se trataba de sons, senón dunha arte como unidade formativa do ser humano.
O mesmo que o exercicio físico fortalecía o corpo, a música considerábase esencial para fortalecer o carácter e formar a alma.
O pensador Platón afirmaba no seu libro La República que a música e a ximnasia eran os dous pilares da formación integral dos mozos.
Platón afirmaba que "a música é para a alma o que é a ximnasia para o corpo".
Hoxe sabemos que esa visión é acertada: a música non só ensina a tocar un instrumento, tamén potencia a disciplina, a creatividade e a sensibilidade, acompañando o desenvolvemento do corpo, da mente e das emocións.
Que opinas?. Para ti a música é tamén fundamental?. Comenta.
.jfif)
Comezamos
o outono cunha selección de cancións que tratan desta estación do
ano.
Son ideais para escoitalas durante estes días en
momentos de reflexión, de preparación con novas ideas, mentres
viaxamos, ou contemplando a paisaxe.
November rain de Guns N' Roses: É unha das cancións máis coñecidas para evocar a melancolía, o cambio e a nostalxia do outono.
Autumnleaves de Joseph Kosma: Interpretada por múltiples artistas, esta canción relaciónase directamente co outono, xa que a súa letra poética e a súa melodía suave nos sumerxen nun ambiente outonal profundo.
Autumn leaves de Frank Sinatra: Esta versión engade un toque de jazz que nos envolve nunha atmosfera de nostalxia de hai moito tempo.
Wake me up when September ends de Green Day: Lanza unha mensaxe emotiva e cun son distintivo que fan capturar as ideas de cambio e de reflexión.
The sound of silence de Simon & Garfunkel: A súa temática non é propia de outono, mais o seu carácter tranquilo complementa perfectamente as sensacións outonais.
Pasa el otoño de Antonio Vega: Esta canción lévanos a unha viaxe melódica a través de paisaxes outonales, destacando pola melodía cautivadora.
Otoño y mariposas de Miss Caffeina: É unha canción moderna caracterizada polo son de tipo indie rock.
Me Llaman Octubre de Love of Lesbian: Esta canción representa melancolía e a beleza do outono.
Noviembre de Melocos: Canción de carácter nostálxico e melodía pegadiza.
Balada de Otoño de Joan Manuel Serrat: Canción que capta a esencia do outono cunha letra conmovedora.
Cal ou cales pensas que evocan mellor coa súa música ou coa súa letra a tempada de outono? Comenta!
O Museo Nacional de Ciencia e Tecnoloxía de A Coruña, convídanos nas fins de semana deste mes de setembro a participar nuns obradoiros experimentais creativos con sons.
Achégate, aprende e desfruta!!!
Información aquí 
A aprendizaxe da música é única.
A través da música podemos aprender, soñar e divertirnos.
Non importa o que saibas. Atende, sinte a música e avanza ao teu ritmo.
Aprecia a música que creas.
Comezamos un novo curso!
Preme en cada imaxe para ler a información.
Sabías que...?
Seguimos reforzando a aprendizaxe dos instrumentos, sobre todo os clásicos, que son cos que máis se confunden, concretamente os que pertencen á mesma familia.
Subscribirse a:
Comentarios (Atom)
APÚNTATE A TOCAR UN INSTRUMENTO
Entradas máis lidas
Traducir este blog
