|
.jpeg)
Os peques de 1º curso están aprendendo a importancia do silencio para unha atenta escoita dos sons.
Hoxe xogaron identificando diferentes sons e discriminando sons ben distintos.
Tiveron moi bo oído!.
Esta é unhas das actividades de 3º curso de hoxe.
O alumnado está traballando a identificación das frases musicais, vivenciando e experimentando coas melodías, os ritmos e as diferentes partes de pequenos fragmentos de obras célebres.
Ao comezo semelláballes difícil pero coa práctica na mesma sesión xa se notou a melloría.
Pasáronno xenial!.
Un dos momentos clave na aprendizaxe musical é a posta en funcionamento ao máximo dos nosos sentidos para poder desenvolver a nosa musicalidade e saber darlle significado ao que estamos a aprender.
Así o fixestes ao practicar coas diferentes partes dun tema da música pop en sexto curso.
CADRO RESUMO DAS CALIDADES DO SON
MARCACIÓN DOS COMPASES
A ANACRUSA
A anacrusa é unha nota ou grupo de notas que preceden ao primeiro tempo forte dunha obra ou fragmento musical. Polo tanto e, tal e como aparece no exemplo, sería un compás incompleto ao comezo da composición.
O TEMPO
O tempo é o grao de velocidade con que se interpreta unha obra musical. Indícase ao comezo do pentagrama mediante equivalencia ou mediante termos italianos.
A FORMA MUSICAL
A forma musical é a organización das diferentes partes dunha obra musical. Esta organización represéntase cunha estrutura baseada en letras que identifican cada parte.
. Forma binaria: consta de dúas partes. Unha idea principal e outra diferente que contrasta coa anterior. Estrutura:
AB
. Forma ternaria: consta de tres partes. Unha idea principal que se vai alternado con outras constrastantes volvendo á idea principal ou seguindo con partes diferentes. Estrutura:
ABA
ABC
. Forma rondó: Consta dunha idea principal intercalada con outras contrastantes e rematando coa idea principal. Estrutura:
ABACADA
A LIGADURA DE UNIÓN
A ligadura de unión é un signo musical de prolongación que, ao situarse en notas co mesmo son, prolonga a duración desas notas sumando os seus valores. Lemos a primeira nota e alongámola todo o tempo que dura a ligadura de unión.
O CALDEIRÓN
O caldeirón é un signo musical de prolongación que, ao situarse sobre unha figura ou silenio, suspende temporalmente o pulso da música e prolonga a duración desa figura ou silencio tanto como se desexe.
REPASO BÁSICO DE 3º CURSO AUDICIÓNS LINGUAXE MUSICAL INSTRUMENTOS
Subscribirse a:
Publicacións (Atom)
APÚNTATE A TOCAR UN INSTRUMENTO
Entradas máis lidas
Traducir este blog
