UNIDADE 7 4º

RONDÓ DE LA SUITE Nº 2- Johann Sebastian Bach 

A palabra rondó vén do francés rondeau, ronda ou danza en roda. 

Ten movemento rápido e un tema musical que se repite facendo a función de retrouso.

O tema principal é claro, curto e cun motivo vivo e xoguetón facilmente recoñecible entre outros temas secundarios que fan a función de estrofas.

O rondó é, pois, unha forma musical que ten un tema principal que se repite, intercalado entre outros temas diferentes.

A súa estrutura é:  

                                    A    Tema principal.

                                    B    Tema diferente. 

                                    A    Repetición do tema principal. 

                                    C    Segundo tema diferente. 

                                    A    Repetición do tema principal.

  

     

GREENSLEEVES - popular inglesa

Greensleeves é unha canción do folclore inglés, popularizada durante finais do século XV e ao longo de todo o século XVI. 

Era moi coñecida socialmente e interpretada polos pobos de diferentes lugares e tamén nos exércitos, cantándose cando estaban lonxe da casa. 

A temática é de amor dun cabaleiro a unha dama, que o rexeitaba,

Actualmente, a melodía é máis coñecida na versión instrumental que coral.

 

MÚSICA PARA OS REAIS FOGOS ARTIFICIAIS-Häendel

George Frideric Händel compuxo a Música para os reais fogos de artificio en 1749, por encargo do rei, para acompañar un espectáculo de fogos artificiais sobre o río Támesis, en Londres.

É unha composición maxestuosa, triunfante e festiva.

 

TOCAMOS:

LECTURAS RÍTMICAS CON BAQUETAS

(lembra alternar as mans e rebotar logo de cada toque)

1

2

3

Practica negra con punto e corchea:

 OS SIGNOS DE PROLONGACIÓN: LIGADURA, PUNTO E CALDEIRÓN

A LIGADURA DE UNIÓN

A ligadura de unión é un signo de prolongación do son que se representa cunha liña curva enriba ou debaixo da cabeza de figuras ou de notas e que serve para unir o son de figuras da mesma ou de diferente duración e de notas do mesmo nome.

Lectura con ligaduras de unión

O PUNTO (OU PUNTILLO)

O punto ou puntillo é un signo de prolongación do son que se representa cun punto pequeno á dereita da cabeza dunha figura ou dun silencio e aumenta a metade do valor da figura ou silencio que o leva.

Canto duran?. Calcula:

Lectura con punto

O CALDEIRÓN

O caldeirón é un signo de prolongación do son que se representa cun semicírculo cun punto no seu interior que, colocado enriba ou debaixo dunha figura ou dun silencio, permite alongar o son tanto como o ou a intérprete desexe.

Lectura con punto e caldeirón