A NOTA MI´
A nota mi aguda (MI´) colócase no cuarto espazo do pentagrama.
A volta ao cole trae novas clases con novas aprendizaxes para desenvolver moito máis e mellor as nosas habilidades musicais.
Comezamos!.
Para aprender máis sobre Música Para aprender a tocar instrumentos
A partir de 4 anos A partir de 8 anos
Música clásica Música moderna
Música jazz Música tradicional
Preme na imaxe para informarte:
.jpeg)
Hoxe as alumnas e alumnos de 1ºB cantaron dúas cancións galegas e acompañáronas con percusión corporal.
Antes, no tempo previo ás sesións de Música e Danza, practican a lectura en voz alta para o grupo, de xeito individual ou en parella.
Na sesión de hoxe o alumnado de 3ºA e de 3ºC repasou os contidos máis importantes tratados ao longo do curso.
Na parte da linguaxe musical a concentración é fundamental para poder desenvolver o cálculo e a lóxica que dan pé á resolución dos diferentes exercicios.
Ademais, amosan o compañeirismo que se lles inculca colaborando na aprendizaxe do alumnado novo.
.jpeg)
Seguimos repasando contidos neste terceiro trimestre.
A través dun xogo por parellas o alumnado de 1º curso desenvolve a competencia lingüística.
"Adiviñas que é?".
Por mor da previsión para mañá dun día chuvioso, esta saída levarase a cabo o venres día 10 de maio, agardando que as condicións meteorolóxicas o permitan.
Repasade aquí o preparado na aula.
Un curso máis o Conservatorio Profesional de Música de A Coruña realizará unhas xornadas de portas abertas para que todos aqueles nenos e nenas que queirades, podades asistir aos ensaios das agrupacións do centro e, despois, solicitar asistir a unha clase individual de dous instrumentos que elixades.
Animádevos con esta oportunidade musical!.
O PUNTO (repaso)
O punto é un signo musical de prolongación que se sitúa á dereita dunha figura ou dun silencio para aumentar a súa duración a metade do valor da figura ou do silencio que o leva.
A LIGADURA DE UNIÓN
A ligadura de unión é un signo musical de prolongación que, ao situarse en notas co mesmo son, prolonga a duración desas notas sumando os seus valores. Lemos a primeira nota e alongámola todo o tempo que dura a ligadura de unión.
Lectura 1
Lectura 2
Lectura 3
Lectura con corchea e silencio de corchea
O CALDEIRÓN
O caldeirón é un signo musical de prolongación que, ao situarse sobre unha figura ou silencio, suspende temporalmente o pulso da música e prolonga a duración desa figura ou silencio tanto como se desexe.
A NOTA RE AGUDA (re´). Repaso.
A nota re´ atópase na cuarta liña do pentagrama. Obsérvaa e practica o re´con punto nas seguintes lecturas:
Lectura con re´con punto, ligadura de unión e caldeirón
Hoxe despedímonos do segundo trimestre deste curso cun concurso de preguntas no que entrou todo o que levamos aprendido desde setembro.
Os que máis contidos lembraron foron os gañadores do primeiro, do segundo e do terceiro posto, e recibiron cadansúa recompensa.
Lembrade repasar porque en calquera momento pode caer outra actividade deste tipo.
Que instrumento coñeces que...?, cal é a danza...?, que partes do corpo interveñen...?, calculamos?...
A estas e máis preguntas ata un total de dez tivo que responder o alumnado de 5º nesta actividade de cultura musical.
Coas respostas correctas optaban a continuar para intentar conseguir un dos tres postos gañadores.
Non estivo nada mal pero, os que non acertastes, repasade máis para a próxima!.
Subscribirse a:
Comentarios (Atom)
APÚNTATE A TOCAR UN INSTRUMENTO
Entradas máis lidas
Traducir este blog
