TIPOS DE MELODÍAS
Cando cantamos, tocamos ou bailamos estamos interpretando unha música que se elabora a partires de diferentes combinacións de notas. Dependendo da dirección das notas temos diferentes tipos de melodías:
. A melodía ascendente, remata cara arriba, vai de grave a agudo, como se subísemos pola loma dunha montaña ata o cumio.
. A melodía descendente remata cara abaixo, vai de agudo a grave, como se baixásemos pola loma da montaña ata o seu pé.
. A melodía liñal non vai nin cara arriba nin cara abaixo, mantense máis ou menos na dirección dunha liña recta.
. A melodía ondulada vai pouco a pouco subindo e baixando de grave a agudo e de agudo a grave, como facendo ondas.
. A melodía quebrada vai de moi grave a, de súpeto, moi agudo e de moi agudo a, de súpeto, moi grave, como facendo amplos picos.
Compréndeo mellor escoitando os tipos de melodías:
Escoita La mañana, del compositor Edvard Grieg e fíxate na forma da melodía:
Practica:
Observa as seguintes pequenas melodías escritas.
A número 1 é ascendente ou descendente?. E a número 2?.
A resposta correcta é: A melodía 1 é ascendente porque remata cara arriba.
A melodía 2 é descendente porque remata cara abaixo.
E a seguinte? Que tipo de melodía é?
Reposta correcta: Descendente
Fíxate agora:
Melodía liñal
Melodía ondulada
Crea a túa propia liña melódica aquí.
Escolle abaixo á esquerda o instrumento que queres que sone, na barra de "tempo" a velocidade á que queres que sone e vai facendo clic nos cadrados dependendo do tipo de liña melódica que queres conseguir. Fai a melodía longa desde a esquerda ata a dereita de todo. Finalmente, dálle a "play" e escoita a túa creación.
Lembra rematar cara arriba nunha melodía ascendente, cara abaixo nunha melodía descendente e que sexa unha combinación de ambas nunha melodía ondulada. A maiores, podes practicar a melodía liñal con sons cerca uns dos outros e a melodía quebrada con sons separados uns dos outros, graves e agudos.
✌
🎼
