Danzamos:
AS ARTES ESCÉNICAS
As artes escénicas son un conxunto de disciplinas artísticas que teñen como obxectivo principal a representación en vivo dunha obra fronte ao público nun escenario.
As artes escénicas son a danza, a ópera, o teatro, os musicais e o circo.
A combinación de diferentes elementos como a música, o movemento, a interpretación e o deseño escénico crea unha experiencia sensorial única para os espectadores.
Danza
A danza emprega o corpo en movemento en conxugación coa música para expresar emocións e narrar historias.
Existen diferentes tipos de danzas, como a danza clásica ou a danza moderna, cada unha coa súa técnica de movementos.
A danza empregouse ao longo da historia como unha forma de celebración, de expresión cultural e de comunicación non verbal entre as comunidades.
Ópera
A ópera combina a música, a interpretación e a escenografía para contar unha historia.
Os cantantes empregan as súas voces para dar vida aos personaxes, mentras que a música da orquestra crea o ambiente sonoro axeitado. A ópera é considerada como unha das formas máis complexas de arte escénica, xa que require dun alto nivel de habilidade vocal e interpretativa por parte dos artistas.
Teatro
No teatro, as actrices e actores interpretan personaxes e dialogan entre si para contar unha historia. Empréganse elementos como a escenografía, o vestiario, a iluminación e o son para crear un ambiente que transporte ao público a diferentes lugares e épocas.
Musical
O musical combina música, canto, danza e interpretación no mesmo espectáculo.
Os artistas son pois, cantantes, bailaríns e actores.
Circo
O circo combina acrobacias, malabares, equilibrismo, domadores e paiasos para entreter ao público. Os artistas circenses adoitan realizar as actuacións en carpas móbiles, empregando elementos como trapecios, teas acrobáticas e aros.
ELEMENTOS DE REPRESENTACIÓN NA DANZA
1. Corpo
O corpo é o elemento indispensable da danza. Ao bailar, os movementos pódense enfocar en determinadas partes do corpo como na cabeza, no torso, nas pernas, nos pés ou nos brazos. Pero tamén se poden enfocar os movementos no conxunto do corpo; por exemplo, estirado, encollido, dobrado... para expresar un significado concreto.
2. Acción
A danza céntrase na acción de bailar; é dicir, de mover o corpo ao ritmo da música seguindo unha técnica.
Poden facerse movementos nun punto específico do espazo; por exemplo, movemento de caída, de alongamento dunha parte do corpo, xiros sobre un mesmo.
Tamén poden facerse movementos dun punto a outro do espazo; é dicir, que permiten ao bailarín desprazarse na danza; por exemplo, movementos camiñando ou saltando en sitios diferentes.
3. Espazo
Os bailaríns ocupan un espazo cos sus movementos e xestos.
Poden danzar nun punto fixo ou desprazarse por diferentes zonas do escenario.
4. Tempo
O tempo no que se deben facer os pasos dunha danza márcao o ritmo da música, xa que o ritmo é o elemento que indica a duración, a rapidez e, polo tanto, o momento da execución dos pasos nun baile.
5. Enerxía
A enerxía refírese ao uso da forza, empregando tanto calidades físicas, como o peso do corpo, como emocionais, que caracterizan os movementos na danza.
PRINCIPAIS PROFESIÓNS RELACIONADAS COA DANZA
1. Bailarín e bailarina profesional
As persoas con talento e paixón pola danza poden adicarse a bailar y formar parte de compañías de danza ou espectáculos teatrais con bailaríns.
2. Coreógrafo e coreógrafa.
As persoas que teñen habilidades para crear e deseñar coreografías, poden traballar en compañías de danza, teatros, compañías de ópera ou incluso en produccións cinematográficas.
3. Profesor e profesora de danza
As persoas que prefiren ensinar e compartir o que saben sobre danza, poden adicarse a ser profesor ou profesora de danza. Ensinan a nenas e nenos, mozas, mozos ou adultos en escolas de danza, centros culturais ou en academias de música e danza.
4. Director e directora de compañía
As persoas que teñen capacidade para organizar traballo con artistas poden ser directores ou directoras dunha compañía de danza ou de teatro.
5. Deseñador e deseñadora de vestiario
Hai persoas creativas ás que lle gusta o deseño e que teñen habilidades para a confección e a costura. Poden adicarse a crear o vestiario para espectáculos de danza ou obras de teatro.
.jpg)
MOI IMPORTANTE: REPASO NA SEMANA SANTA DAS SEGUINTES LECTURAS REALIZADAS NA AULA (LEMBRAR AS DURACIÓNS DAS FIGURAS VENDO ANTES CADA VÍDEO).
Se cantas o día do concerto, ensaia sobre estes audios a túa canción.
Se sabes a letra, practica con algo que faga de micrófono e céntrate en afinar e en interpretar o significado desa letra.
Se sodes un grupo, fixádevos en coordinar as voces como se fosen unha soa.
Para que podades ensaiar, déixovos os audios das pezas que ides tocar e das canción que ides cantar.
Aquí tedes os audios instrumentais das actuacións para os que cantades ou tocades.
Se vos sabedes a letra, practicade con algo que faga de micrófono e centrádevos en afinar e en interpretar o significado da letra.
O xoves 20 de febreiro o alumnado de sexto curso participou nun obradoiro impartido por Xoán Carlos Rilo, mestre gaiteiro do Instituto Galego de Artes Escénicas e Musicais.
A historia de Nun mercado persa desenvólvese no Imperio Persa.
Os mercaderes atravesan o deserto para chegar ao mercado da cidade.
A NOTA MI´ (pendente da unidade 5)
A nota mi aguda (MI´) colócase no cuarto espazo do pentagrama.
CONTINUACIÓN DA UNIDADE 6
Sabías que...?
A danza ten a súa orixe na Prehistoria? Pois si. O ser humano tivo desde sempre a necesidade de expresar os seus sentimentos non só a través da comunicación verbal; ou sexa, a través das palabras, senón taména través da comunicación corporal, a través dos movementos do corpo, e empregábanna moitas veces para facer rituais (costumes ou cerimonias).
Subscribirse a:
Comentarios (Atom)
APÚNTATE A TOCAR UN INSTRUMENTO
Entradas máis lidas
Traducir este blog
